Wierszyk w gwarze śląskiej ze słowniczkiem - Ło żabie, kero sie chciała łopolić
U somsiada na zegrodzie
siadła żaba na kamiyniu,
bo doś miała żabi godki
i dychnoć se chciała w ciyniu.
-Chyba pójda sie łopolić,
bo żech je łokropnie blado,
yno czy mie małej żabie
w słoneczku leżeć wypado-.
-Nie pedziała ci mamulka
żaby sie nie łopalajom,
bo jak w słońcu se poleżom
suchym flekym już łostajom.
Pomyś yno słonko szkodzi
twoji skorze i urodzie,
Ponboczek już cie tak stworzoł,
być pluskała sie we wodzie.
Możesz tyż wlyź do marasu,
i pobabrać sie w kałuży,
taki czochrani we bagnie,
kożdyj żabie dobrze słoży.-
Renia Sobik
Tłumaczenie niektórych słów śląskich
zegroda ogród
godka mowa
dychnonć odetchnąć
ciyń cień
łokropnie ogromnie
pedzieć powiedzieć
flek plama
maras błoto
pobabrać pobrudzić
czochrani pluskanie