Wierszyk dla dzieci w gwarze śląskiej (ze słowniczkiem) - Francik fojerman
Śniło sie Franckowi w nocy,
że łon fojermanym łostał,
że wartko fojera zgasioł
skuli tego łorder dostał.
Łoblyk nowy hełm na gowa,
i piykny ancug galowy,
stanoł przi pompie strażackij
czeko do akcji gotowy.
W te pyndy szlałchy rozwinoł,
bo łogiyń za nim szoleje,
chycioł se sikowka w rynka
i wodom we flama leje.
A ,że mu łokropnie gorko
ciasny hełm z glacy symino.
rozpiono ancug,koszula
paradnie klata wypino.
I stowo do odznaczynio
ni po darmo tak sie trudzioł,
dostoł nowy złoty łorder,
i....za wartko sie łobudzioł.
Renia Sobik
znaczenie słów
Fojermanm strażak
fojera,flama ogień
łoblyk ubrał
ancug garnitur
symino zdejmuje
gorko gorąco
paradnie dumnie
stowo staje
łorder order
wartko prędko ,szybko