Bajka dla dzieci - Spóźnione geszynki czyli spóźnione prezenty
osoby:
Karlik, Francik, Ania, starzik, mama, ojciec, sąsiad
Karlik do siostry
- Podziwej się Ana somsiad do nas idzi patrzy zdziwiony. Co łon mo we rynce .. wiym!
wtrąca się mały Francik
Dziyciontko niesie. Coś Ty gupi w styczniu
Karlik
W świynta boł u cery i niy zdonżoł przeca zaś bydzie łostuda zaro na dwor leca
Ania
A to skuli czego co żeś Karlik zbrojoł
Karlik
Zbrojoł ! Zbrojoł! przed schodami yno trocha wody wyloł
Ania
To tatulek pasym jeszcze Ci niy prziloł
Mama
A co bydzie giździe jak wtoś złomie noga
Karlik
Niy pomyśloł ło tym ślizgowka chcioł zrobić
Mama
Ale przed schodami tyś upod na gowa
Francik
Toż nieszczyńsci bydzie
Mama
Bier piosku i posyp kej somsiad już idzie
Karlik bierza pisek i sypie ślizgawkę
Sąsiad
A ty co tu robisz w taki mroz na dworze?
Karlik
Przeca sypia chodnik wtoś ukiełznonć może
Sąsiad
Niy dej Boże ! niy dej Boże !
Karlik
Ni mom sie kaj kiełzać
Sąsiad
A ło to sie niy trop już jo coś poradza
Karlik
A ślizgowka zrobić somsiad pomoc przidzie
Sąsiad
Ja hań za chałupom tam bezpieczni bydzie
przybiega Ania i ciekawie spogląda na siatkę sąsiada
Powiydzcie mi ujku co w tym saku mocie
Sąsiad
Zarozki się dowiysz
patrzy na dziewczynkę i mówi
tera wszyndzi gripa a ty prawie goło bez czopki szalika przeca bydziesz choro
Ania
Niy.. kiej nas mamulka w jesiyń zaszczypili
Sąsiad
To dobrze zrobili ...dodaje szczypiyni to jedno łoblyczka to drugi. Łoblykać sie ciepło i tak dziołszko trzeba...
Mama prosi sąsiada
Wlazujcie somsidzie zima s dworu leci. Możno tyju zrobia z miodym i citrynom, zawołom tyż dzieci
Mama woło
Karlik, Ana, Francik podzcie no do kuchnie
Sąsiad
Ponboczek Wom zapłać we tako pogoda dobrze pod pierzinom a rozgrzoć sie tyjym wcale niy zawadzi. Jo niy skuli tego
sięga do siatki i wyciąga na stół prezenty
Karlik
Ło Ponboczku złoty a wiela toż tego
Mama przynosi herbatę dla wszystkich i mówi do sąsiada
Zicnicie se trocha roz dwa sie uwina zrobia jakiś łobiod w niecało godzina
Ania
Tatko zaro bydom toż se pogodocie
pokazuje na siatkę i dodaje
A do mje coś mocie
Sąsiad
A jak myślisz dziołszko ale to za kwila yno mantel symna zdejmuje płaszcz za gorko tu u was przeca to niezdrowo
Starzik siedzi na krzesełku /ryczce / koło pieca
Przeproszom somsiedzie że leza wom w słowo. Staro lamynciła że ji trocha zima przewietrzyć trza bydzie kej jom jeszcze nima
Sąsiad
Teżech to chcioł pedzieć
Mama woła
Podź no tu cereczko trocha mi pomożesz
Ania
Już leca mamulko zrobia to co kożesz
Mama
Lećże do komory prziniyś mi pietruszka, marekwia, celer i cebula
potym zwraca się do syna
A ty gzuj na gora. Przyniyś pora jabek surowka zrobiymy.
dodaje
Kapusta kiszono w beczce jeszcze bydzie
Ojciec wchodzi do izby
Witom piyknie wszystkich niy wiym ło co idzie
zwraca się do żony
Je żechy strasznie głodny, zalatuje rybom czy już upieczono
Mama
Ja i zupa świyżo ledwie uważono s kokotka młodego srogi tego gornek styknie dlo kożdego.
Ania
Prziniyś tatko yno kapusta kiszono
Ojciec idzie po kapustę przynosi i kładzie żonie na stoł
Sąsiad
Ale łostro wonio! Łapie się za nos
Tato
Same witaminy aże ślinka leci
Mama
Zaro jeś bydymy myć mi rynce dzieci.
Zwraca się do dorosłych
A wy starzi na co terazki czekocie. Zamias myć rynczyska bez przerwy godocie
Sąsiad przerywa
Musza Wom coś pedzieć niy było mje w świynta a ło waszych bajtlach to dycko pamiyntom
wyciąga prezenty i rozdaje dzieciom mówiąc
Tu mocie geszynki
Ania pokazuje szkiełko odblaskowe
Jaki piykny znaczek w ćmoku bydzie widać
Karlik wsadza na głowę kaski i mówi
Mój kask je fajnisty toż sie moge przidać jak sie pizna w gowa
Ojciec tłumaczy sąsiadowi
Karlik w łońskim roku dostoł nowe koło a jeździ jak szatan
Franek płacze
Mama
A ty co tak ślimtosz nic do ciebie nima
Dziadek który do tej pory siedzioł na stołeczku podnosi się i mówi
Ale kaj tam dostoł szczewiki na zima kiej to taki zmarzluch
Karlik
Francik se tak ślimto ze wielki uciechy
Franek pochlipując
Bo Mikołoj świynty mioł darow dwa miechy a tu yno jedyn Wszyscy się śmieją
Dziadek
Tyn choć jeszcze mały a chciołby tak wiela
Karlik
Bo gupi jak ciela
Ojciec
Niy przezywej brata
Karlik przedrzeźniając Trata ta ta zwraca się do Ojca
Przeproszom... jo yno troszyczka boznuja
Sąsiad przerywa kłótnię
Do reszty mom jeszcze piykne apluzyny pora szekuladow, łorzechy, citryny jyno trza pamiyntać by sie niy łobjodać kiedy to niezdrowo idzie zachorować.
Dzieci
Piyknie dziynkujymy pamiyntać bydymy jak niy zapomnymy