Młoda na kropki - wierszyk w gwarze śląskiej
Siadła se biedronka
na liściu stokrotki
powiydz mi kwiotuszku
kaj podziołeś kropki
Szumno to je moda
kropki i kropeczki
ni tam jakiś poski
kołka i krateczki
Cało familijo
łoblyko sie w kropki
tatulek i starka
mamulka i ciotki
A jo je stokrotka
w kropkach nie gustuja
łoblykom sie w poski
lepi sie w nich czuja
Coż na to poradza
nie do mie ta moda
ale u biedronki
to mi sie podoba
Nie ida za modom
i też ji nie lubja
lontow na parada
nigdy se nie kupia
Szaty w biołe poski
co dziyń se obleka
i widzi mie pszczoła
na łonce z daleka
Choć jo je stokrotkom
twoji zdani cynia
ale mojich lontow
na inne nie zmiynia