Wierszyk dla dzieci pisany w gwarze śląskiej - Wiosynne kwiotki
Miłek, sasanka i krokus
i jeszcze przebiśniyg bioły
to kwiotki kere wiosnom
piyrsze nom rozkwitajom
Na gołych łonkach sie złocom
drobne miłka kwioteczki
zarozki ich poznomy
bo majom wonski listeczki
Chocioż trocha trujonce
to powiym szczerze na uszko
lyki s niego zrobione
uspokajajom serduszko
Krokus rod sie wygrzywo
i możno tak dlo odmiany
skuli kwiotkow i listkow
szafranym mianowany
Kucharki go majom w zocy
kej smaczno prziprawa s niego
dodatkiym do jedzonka
zrobiono z proszku żołtego
Przebiśniyg miodym wonio
i s małej cebulki wyrosto
rośnie w lasach zegrodkach
na łonkach i w parkach miasta
Zaś kolorowo sasanka
rozkwito ku samej wiośnie
listeczki mo jak marchewka
na gorskich łonkach rośnie
Niy mogymy ji serwać
a bydzie dycko s nami
łodwdziynczy sie nom za to
piyknymi kwiotuszkami
Toż pamiyntejcie bajtle
te kwiotki muszymy szanować
jak niy bydymy dbać ło nich
mogymy gorko żałować
Renia Sobik
