Wierszyk dla dzieci w gwarze śląskiej - Samo zdrowi
Możno mi wto z bajtli powiy
jak dbomy ło nasze zdrowi
jako idzie go flegować
żeby potym nie chorować
Mocka siły mieć bydymy
jak łod witamin zacznymy
witaminy ważno sprawa
a jarziny to podstawa...
No a żeby zdrowym być
trza ich przed jedzyniym myć
ło rynkach tyż trza pamiyntać
by niy chorować i kwynkać
Nie zacznynać dnia łod Coli
to nie zdrowo brzuszek boli
lepi wypić soczek zdrowy
taki smaczny owocowy
I choć nieroz przidzie smaczek
na bombony czy lizoczek
my sie na to nie piszymy
momy w zocy witaminy
Majom we sia samo zdrowie
i niech kożdy ło tym powiy
jak ło siebie dbać bydymy
zdrowi mocni urosnymy
a teraz jak się nazywają niektóre warzywa po śląsku
Dynia --bania
Kej witamin mo tak wiela
bydzie kompot na niedziela
kuknicie se yno na nia
bo to pszeca żdżało …..............bania
Rzodkiewka -radiski
Małe kulki choć czerwone
ani słodki ani słone
piekom szczypiom jak wto chce
majom witamina C
nieroz krziwiom ludziom pyski
a mianujom sie.............................. Radiski
Pomidor -tomata
Na krzach wisi bal zielony
jak dojrzały to czerwony
przeciyr s niego robi starka
reszta na zupa do garka
najsmaczniejszy owoc lata
a nazywo sie. ….......................... Tomata
Jabłko -jabko
Samo zdrowi nie wierzycie
soki dżymy z nich zrobicie
skorka piykno i czerwono
kej słoneczkiym łopolono …....jabko
Ogórek -łogorek
Zielone i dłogi nieroz na krzach wiszom
potym ji mamulka we boncloku kiszom
na kanapka i sorowka tyż sie nadowajom
bo wiela witmin we pojstrzodku majom......łogorek
Kapusta czerwona - modro kapusta
Na pyszno sorowka kapusta kiszono
do krałzow na zima może być czerwono/ modro /
jak jedna tak drugo smakiym bajtla kusi
że zdrowo i smaczno toż skosztować musi
Inne warzywa
w sokach i szałotach łod wiek wiekow były
na łoczy na gripa na kości i siły
samych witaminow majom cało fora
Marekwia i czosnek celer i cebula
Renia Sobik