Wierszyk dla dzieci - Niechcemisie po śląsku
Kajś za gorami kajś za lasami,
zgniłe stworzynia we norach miyszkały,
a mianowali ji Niechcemisie
bo nic nie robili yno by spali.
Piły zmazano woda ze stawu,
na łobiod jadły lyniwe pierogi,
cołki czas yno na przyjmo chodzili,
bo przeca szkoda im było drogi..
Jedynom jakomś robotom dlo nich
było bez wieczor głośne ziywani,
zaś po cimoku wszystki zwierzynta budziło
łokropnie szpetne charczyni
Mama Chcemisia ło bajtle sie staro,
i chce jakoś tymu poradzić,
bez przerwy myśli jak by tu zaroz
tyn ciynżki pomys do życio wkludzić.
Woło na dziecka i tak im godo:
„-Cieplutki słońce grzeje przycudnie,
zarozki iś spać trza wom do łożek,
zygor na wieży bije połednie.-”
„-Oj, nie chce nom sie -”padajom bajtle,
„-i niy bydymy spać ło tyj porze,
już my wolymy dycki ci pomoc
przeca z nos kożdy coś robić może.
Renia Sobik
*a tu kilka tłumaczeń
mianowali - nazywali
zmazano - brudna
przijmo - na skróty
przeca - przecież
ćmok - ciemno
szpetne - brzydko
wkludzić - wprowadzić
dycko - zawsze
bajtle - dzieci
