Wierszyk dla dzieci w gwarze śląskiej - Zwarjowano prziroda
Przyleciała sroka z lasa
najnowsze klachy prziniosła
że to tak już łod miesionca
idzie do nas ciepło wiosna
- Łobudziły się niedźwiedzie
i boczonie przileciały
kiere pocztom pantoflowom
telegram z Polski dostały
Zakwitły krokusy w lesie
a w zegrodkach tulipany
ptoszek wartko gniozko wije
trocha zdezoriyntowany -
- Godosz gupstwa moja sroko
to pogoda bozna robi
przeca nieroz już tak było
wiosna tego niy łodrobi
Nie czytosz najnowszych gazet
niy ma żeś zoriyntowano
no bo klimat się ocieplo
toż prziroda zwarjowano
Do wiosny daleko jeszcze
momy luty srogo zima
możesz w zomiyntach sie zapaś
toż inszego wyjścio niy ma
Muszymy to wszystko strzimać
trza sie nom tyż przistosować
i wymyślić jakiś środki
by prziroda uszanować
Renia Sobik
